CARMO,23 December,2024:Taliyaha Ciidanka Booliska Puntland Sarreeye guuto Mumin Abdi Shire ayaa kormeeray shaqada gudiga qorista iyo xulusta ciidanka boliiska dowladda Puntland oo bilaamay qabashada dhalinyarada aqoonyahanka ah ee fursada u helay kuna soobaxday codsiga kamid noqoshada ciidanka boliiska dowladda Puntland, kuwaas oo tababar heerkiisu sareeyo uga bilaaban doono Kuliyada tababar ciidan ee Carmo 1da bisha January 2025ta.
Taliyaha ciidanka booliska ayaa sidoo kale kormeeray goobaha loodirayey dhalinyarada sida goobaha tababarka,jiifka,laybareeriga,manhadjka,kushiinka iyo meelaha kale ee muhiimka ah,wuxu bogaadiyey dhalinyarada kuguulaystay kamid noqoshada ciidanka boliiska isgoo kula dardaarmay iney ka faaiidaystaan si ay dalka iyo dadkooda ugu shaqeeyaan.
Gudoomiyaha gudiga qorista iyo xulusta ciidanka boliiska dowladda Puntland G/sare Abdifatax Abdiqadir Axmed, kuxigeenka gudiga G/sare Abdirisak Ismaaciil Xasan(Darwiish) iyo kaaliyaha Taliyha ciidanka boliiska dowladda Puntland G/sare Axmed Abdi Sugule ayaa ugu hambalyeeyey dhalinyarada kuguulaystay fursada kamid noqoshada ciidanka boliiska dowladda Puntland,kuna bogaadiyey iney siwanaagsan uga faaiidaystaan,waxay kaloo xuseen iney diyaaryihiin dhamaan waxksta oo loogu talagalay tababarka loona diyaar garoobay.
Sidoo kale waxay hoosta kaxariiqeen in qofkii ku soo xaroonwaaya mudadii loo qabtay ee 25ka bishaan uu lumin doona fursadaas dahabigaa lagana tagidoono.
Taliyaha Ciidanka boliiska dowladda Puntland S/guuto Mumin Abdi Shire ayaa kulan la qaatay gudigaqorista iyo xulusta ciidanka,Taliyaha kuliyada carmo iyo saraakiisha iyagoo siwadajir ah qorshe adag kayeeshay soodhawaynta iyo qaabilaada dhalinyaro cusub ee boliisku qaatay.
Ciidanka boliiska dowladda Puntland ayaa qaatay 500 oo dhalinyaro ah kanabaxday jaamacadaha isuguna jirta rag iyo dumar kuwaas oo kusoobaxay codsiga qaadashada , loona tabaridoono saraakiil iyo takhakhusaad gaara.
Gudiga qorista iyo xulusta ciidanka boliiska dowladda Puntland ayaa u qabtay dhalinyarada kuguulaystay fursada kamid noqoshada iney kusoo xaroodaan Kuliyada tababarka ciidanka ee Carmo ugu danbayn 25ka bishaan.
FIIRO GAAR AH Haddii aad hesho xog ku saabsan falal amni-darro ama aad aragto wax khatar gelin kara amniga gudaha Puntland, fadlan la xiriir Ciidanka Booliska Puntland.
Wac: 999 haddii aad warbixin ka bixinayso dembi socda ama haddii aad ku jirto xaalad khatar degdeg ah. Adeeggan wuxuu shaqeeyaa 24/7.
— DHAMMAAD —
Xafiiska Warfaafinta
Ciidanka Booliska Puntland
